Albom repçinin müğənni Elza Seyidcahan ilə dueti olan «Şah qızı» mahnısı ilə adlandırılıb Repçi Anar Nağılbazın yeni albomu işıq üzü görüb. "İstiot"un məlumatına görə, albom repçinin müğənni Elza Seyidcahan ilə dueti olan «Şah qızı» mahnısı ilə adlandırılıb. Duetin sözləri və musiqisi repçiyə aiddir. Birinci duetin uğurlu alınmasından ruhlanan duet ortaqları daha on mahnı üzərində işləyirlər. Mahnıların müəllifləri Elza Seyidcahan və Anar Nağılbazdır. Mahnılar müxtəlif janrlarda - R&B, dərviş, rep və xalq musiqisi üstündə yazılıb. Bu duetlərin də albom şəklində buraxılması nəzərdə tutulub.