Xatirə İslam depressiyaya düşüb
Müğənni ayrılığa dözə bilmir.

Müğənni Xatirə sevgilisinin ailə həyatı qurması ilə barışa bilmir. Xeyli müddətdir özünə qapanan müğənni hətta yeməkdən də kəsilib.
Xatirənin ailəsinə yaxın olan mənbədən əldə etdiyimiz məlumata görə, hətta o, əsəb sarsıntısı keçirib. Hazırda depressiyada olan müğənni, gününün çox hissəsini evdə - dörd divar arasında keçirir.

Ruhi sevgilisindən ayrılıb?
Onun 10 il vətəndaş nikahında yaşadığı iş adamından ayrıldığı deyilir.

Başı moda aləminə qarışan Ruhidən təzə xəbər var. Deyilənlərə inansaq, belə çıxır ki, müğənni 10 ildir birgə vətəndaş nikahında yaşadığı insandan ayrılıb.
Bu arada xatırladaq k i, Ruhinin uzun müddətdir bir yerdə yaşadığı şəxsin iş adamı İlham Rəhimov olduğu deyilir. Hətta bir müddət əvvəl «Yeni Müsavat» qəzetinə müsahibə verən İlham Rəhimov dolayısıyla Ruhi ilə münasibətlərinin olduğunu bildirmişdi: «Ruhi xanımla bizim münasibətlərimiz yalnız bizim ikimizə aid məsələdir və onun mahiyyətini bir o bilir, bir də mən. Yalnız onu deyə bilərəm ki, Hacı Ruhi xanımla bizim çox səmimi, təmiz, sağlam, münasibətlərimiz var».
Məsələyə Ruhinin də münasibətini öyrənmək istədik. Lakin gün ərzində müğənni ilə əlaqə yarada bilmədik.