Eka Tkeşelaşvili: «Gürcüstandakı son hadisələr postsovet məkanında, xüsusilə, Ukraynada «domino effekti» verə bilər» ATƏT-in Vyanadakı mənzil-qərargahında Rusiya-Gürcüstan münaşiəsinə həsr olunmuş xüsusi iclas keçirilib. Gürcüstanın xarici işlər naziri Eka Tkeşelaşvili Rusiyanı Gürcüstan ərazilərinin bir hissəsini işğal etməkdə və Cənubi Osetiya bölgəsində etnik təmizləmə həyata keçirməkdə ittiham edib. O bildirib ki, Gürcüstandakı son hadisələr postsovet məkanında, xüsusilə, Ukraynada «domino effekti» verə bilər. Nazirin sözlərinə görə, Krımda yerli əhaliyə Rusiya pasportları paylanır.
Rusiyanın nümayəndəsi Ənvər Əzimov isə gürcü nazirin ittihamlarını rədd edib. O, Krım əhalisinə kütləvi şəkildə Rusiya vətəndaşlığının verilməsi barədə məlumata malik olmadığını da deyib.