Xarici işlər naziri Elmar Məmmədyarov Türkiyənin irəli sürdüyü «Qafqazda təhlükəsizlik və sabitlik platforması»nın yaradılmasına mövqeyini açıqlayıb. Nazir Azərbaycanın bu təşəbbüsü müsbət qarşıladığını bildirib: «Cənubi Qafqaza stabillik gəlsə, bu, həm də regiondakı ölkələr üçün müsbət hal olacaq. İndi söhbət ondan gedir ki, region ölkələri məsləhətləşmələri davam etdirsinlər. Azərbaycan da öz tərəfindən yəqin ki, Rusiya və Gürcüstanla müzakirələri davam etdirəcək».